Veitastrond tok attende regien i 5.divisjon avd 1 då me i dag satte serieleiar Anga på plass med 2-4 siger i deira eiga leikegrind. Utan tvil årets beste kamp av VIL-fotball så langt, og på ei framifrå kunstgrasbane så fekk me verkeleg spelet vårt til å sitta. Med litt meir presisjon i siste fase av spelet så kunne dagens siger vorte endå større, og det var med ei særdeles god kjensle me reiste heim frå Førde med i dag. Etter 1-1 til pause så tok Veitastrond for alvor kommandoen i 2.omgang, og vann altså til slutt 4-2.
Les meir HER
Etter 14 dagars kvile er Veitastrond sine utvalgte klare til kamp att i morgon. Turen går til Førde der Anga ventar som nytt bekjentskap. Etter at me tapte toppkampen mot Bjørn så har gåpninane tapt to kampar på rappen. Dette har ført til ar Anga er ny tabelleiar ettar at dei blant anna vann heile 6-0 heime mot Bjørn. Det vil seia at denne kampen er toppkamp i 5.divisjon avd. 1 Sogn og Fjordane.
Les meir HER
Det var berre eit lag på bana på då Veitastrond i dag banka Hyllestad/Dale 2 med heile 9-0 på Leikvoll Stadion. Heimelaget var best i absolutt alle spelets fasar og dominerte kampen i samtlege 90 minutt. Me scorar 5 mål før pause og 4 etter, og det er nesten som at laget er litt skuffa etter kampen for at me ikkje klarde tosiffra. Heilt klart ein fin måte å avreagera på etter den skuffande kampen mot Bjørn på fredag, og i dag var både gløden og spelegleden attende på Veitastrond.
Les meir HER
Me har òg oppdatert alle våre statistikkar. Desse finn du under Årets sesong i menyen ovanfor.
Me har ikkje rukke (å rukke, no rukkar eg, i går rukka eg) å komma oss skikkeleg etter det sviande nederlaget mot Bjørn i går før me no gjer oss klare til ny kamp. Denne gongen er det dørene på Leikvoll som skal opnast og gjerast klar for heimekamp mot Dale/Hyllestad 2, ja ikkje dørene altså men grasmatta. Det var ein litt betutta gjeng som gjekk av bana på fredag, der dei fleste nok følte at innsatsen ikkje var så god som den skulle ha vore. Svikt over heile linja kan me seia, og me satsar på at spelarane er sugne på revansje i morgon.
Les meir HER
Veitastrond måtte gje tapt i toppkampen mot Bjørn og tapte fortjent 3-2 i ein spanande batalje. Det var gjestene frå Strondi som tok føringa og leia 0-1 til pause på det kommunale sentralidrettsanlegget i Gåppn. Etter kvilen så fall diverre det blå korthuset saman og det var ingenting å sei på at Bjørn snudde kampen og scora 3 mål på under 10 minutt. Ein skuffande kveld for VIL-fotball der me sit att med ei kjensle av at me ikkje gjorde vårt beste, og då er det utruleg keisamt å tapa fotballkampar. No lyt me sjå at Bjørn dreg ifrå på tabellen, og skjebnen om kven som skal spela 4.divisjon i 2014 har dei no i si hule hand.
Les meir HER
For omtrent nøyaktig 5 år sidan så spelte Veitastrond ein av sine mest minnerike kampar nokonsinne. Den gongen var det lokalderby og toppoppgjør i 5.divisjon som gjaldt då Veitastrond gjesta Gaupne for å møta Bjørn. Kampen enda med utrulege 6-6 og står som sagt att i historiebøkene som minnerik.
No 5 år etter så skal Veitastrond ut i ny kamp borte mot Bjørn og råma rundt kampen er omtrent som ein rein kopi av den førre. Det er framleis 5.divisjon, framleis lokalderby, framleis toppoppgjør, men i år så er kampen i tillegg eit ledd i opninga av årets lustramarknad, noko som set ein ekstra spiss på det heile. Det er berre å gjera seg klar til årets fotballkamp i indre Sogn når Bjørn og Veitastrond i morgon brakar saman.
Les meir HER
(Bildet til høgre viser Arne Nes etter at han vart den store helten i 2008 då han utlikna til 6-6 i siste speleminutt)
Veitastrond spelte ein god kamp då me i går vann 3-0 borte mot Gaular. Dermed sikra me oss 3 smakfulle poeng og klarde for ein sjeldan gong å halda nullen gjennom samtlege 90 minutt. VIL hadde god kontroll på motstandaren og det var ein fortjent siger. Me har dermed klora oss fast i toppen av tabellen, og no ligg alt til rette for ein rysare av ein fotballkamp når me tek turen til Gaupne for å møta Bjørn til helga.
Les meir HER
I morgon er det klart for ny kamp, og denne gongen går ferda til Sande for å møta Gaular. Veitastrond skal her prøva å følga opp den gode kampen mot Lærdal for ei veke sidan der me tidvis imponerte og til slutt vann 8-4. Det var imidlertid på Leikvoll, og historisk sett så trivst me langt betre heime på eige gras enn når me er ute på reis. Me kryssar fingrane for at gutane likevel gjer jobben på utebane, og tek med seg nye poeng heim i morgon.
Les meir HER
Då har me omsider oppdatert alle våre statistikkar for årets sesong. Du finn alle desse under Årets sesong i menyen ovanfor.
Har i tillegg lagt ut nokon bilder frå årets sesong så langt.
Desse finn du under Underhaldning i menyen ovanfor,
eller du kan ta snarvegen og trykka HER, nei HER
lurte deg, eg meinte HER nede...
Det vart ein ellevill fotballkamp då Veitastrond og Lærdal i dag innvia Leikvoll Stadion for sesongen. Etter at heimelaget leia 3-1 til pause så eksploderte det etter kvilen der VIL fyrst scora 5 mål, før bortelaget avslutta med ein sluttspurt som ga dei 3 mål på slutten. God valuta for inngangspengane for publikum og godt å sjå eit Veitastrond som endeleg viste klasse i årets sesong. I dag er me ganske enkelt eit par hakk for store for Lærdal og når angrepspelet vårt sit som det skal så gjer me som me vil med bortelaget. Me tek med oss 3 herlege poeng, og ser fram mot neste veke der me spelar heile 3 kampar på 7 dagar.
Les meir HER
Me skal prøva å få oppdatert våre statistikkar i løpet av morgondagen...
Då er det endeleg klart for årets fyrste kamp på Leikvoll Stadion, og i år som sikkert i fjor så nyttar me oss av flokselen at det dermed er klart for vårens vakraste eventyr. Snøen låg lenge på Veitastrond i år, og slik sett passa det bra at fyrste heimekamp ikkje er før 27.mai. No har den fått ei god veke utan det kvite teppet over seg, og den har både grønast (litt i vertfall) og turka opp (litt i vertfall) I tillegg til Veitastrond så er det Lærdal som i år er så heldige å få ta del i denne store happeningen. Det er berre å byrja å gle seg til at Leikvoll Stadion nok ein gong ber inn til fotballkamp og fest.
Les meir HER
Den sat langt inne, men jaggu sat han (satan?) der, ja sigeren altså. Veitastrond tok nemleg ein smakfull 3 poengar då dei vann 3-1 borte mot Syril på Leikanger i dag. Det var 60 dårlege minuttar av dei blåe, men sakte mon sikkert så byrja maskineriet å kverna og då haldt til slutt til ein 3-1 siger i dag. Veldig godt å vera attende på vinnarsporet, og for ei stund så kan me kvila oss på toppen av tabellen - und das kjendts sehr gut!!
Les meir HER
Veitastrond skal i morgon prøva å røysa seg etter at dei snubla og fall stygt borte mot Kaupanger 2 førre tysdag. Denne gongen tek me turen til Leikanger for å spela mot Syril i det som vert den siste av 3 bortekampar i innleiinga av denne sesongen. Det var ein veldig skuffa gjeng som reiste heim utan poeng sist, og forhåpentlegvis går dette utover Syril når Veitastrond skal prøva å revansjera seg i morgon.
Les meir HER
Etter nedturen på Kaupanger denne veka som enda med 1-3 tap så treng me alle ein liten opptur. Kva er vel då meir på sin plass enn å presentera ein av våre nye spelarar? Neste mann ut til å legg alle korta på bordet for Veitastrond.com sine leserar er Voss sin aller største son Stig Anders Hauge. Har du vore innom Sogndal dei siste 10 åra er sjansen stor for at du har sett denne langbeinte skjønnheten, eller i det minste høyrt den klukkande latterens hass i det fjerne. Stig Anders er nemleg ein omgjengeleg fyr, og sjølv om han etter eige ynskje truleg vil bekle ei rolle som superreserve i årets sesong, så gjer han seg likevel bemerka i spelargruppa med sine mange røvarhistoriar og gode humør.
Me har laga ei lita sak, og tatt eit lengre intervjue med vår nye spelar.
Les meir HER
Det vart ein solid nedtur for Veitastrond, då me i dag tapte full fortjent 3-1 borte mot Kaupanger 2. Etter ein god seriepremiere mot Årdal 2 der me tok med oss alle poenga, så fall me nedpå i dag og klarde aldri å prestera slik me sjølv ynskjer. Spesielt 2.omgang var eit sorgens kapitell der Kaupanger 2 vart nokre hakk for gode for oss. For å spela på nokre gamle klisjear så er det berre å gløyma denne kampen raskast mogleg, og sjå fram mot neste utfordring.
Les meir HER
Den fyrste nervepirrande akta er unnagjort, og me kom frå det med både æra og poenga i behold. I morgon så går sceneteppe opp igjen, og denne gongen er det Kaupanger 2 som er vår motspelar i det som blir eit av mange lokaloppgjør denne sesongen. Som vanleg er det berre for den store publiken å finna sin plass i salen og gjera seg klar til scene 2 opptak 1 på Kaupanger.
Les meir HER
Ein kan kanskje seia at det er ein prestasjon av Øystein Heggestad å berra vera med Veitastrond som aktiv fotballspelar. Det er difor ekstra morosamt at når Veitastrond no har teke til på sitt 10.år som fotballklubb så er Øystein den fyrste som har nådd milepælen og spelt offisielle kampar for klubben i samtlege 10 sesongar. Då han kom som innbyttar for Severin Rokne i kampen mot Årdal 2 var det ingen av dei 13 andre spelarane på Veitastrond som kunne skryta på seg så å ha vore med klubben sidan starten i 2004.
Les meir HER
Det er kanskje nokon som saknar bilder og oppdatering av våre statistikkar etter kampen mot Årdal 2. Me kan ikkje lova at dette blir oppdatert etter kvar kamp i år, men me samlar kanskje heller opp etterkvart. Når det gjeld tabell så finn denne oppdatert på SFFK sine sider, og bilder frå kampane finn de i bøttevis på våre facebooksider, som er åpen for alle anten ein har konto der eller ikkje...
Takka ein god 2.omgang så kom Veitastrond seg heilskinna gjennom dagens seriepremiere då Årdal 2 vart slått 4-2 på eige kunstgras. Veitastrond kom best i gang og scora tidleg 0-1, men heimelaget svarde og det var raudtrøyene som kunne gå til pause med leiing 2-1. Etter kvilen så heva VIL seg, og viste seg nokre hakk vassare enn sin motstandar. Når dommaren blas av for full tid så stod det altså 2-4 på resultattavla, og me kunne jubla for 3 herlige poeng.
Les meir HER
Då er det klart for seriestart i årets 5.divisjon avd 1, og til å klyppa snori har SFFK valgt seg ut Årdal 2 og Veitastrond. Desse to laga møtes i morgon til dyst på kunstgraset i Øvre Årdal i morgon, og dermed er det som er ein rekordkort sesongoppkøyring over for Veitastrond sin del. Til trass for dette så føler me oss klare å gå på ein ny sesong.
Les meir HER
Nok ein gong viste Veitastrond styrke då dei i dag vann med komfortable 5-0 borte mot divisjonskollega Kaupanger 2. Veitastrond var det klart beste laget, og sigeren kunne ha vore mykje større om effektiviteten hadde vore betre. Dagens helt vart Kurt Heggestad som scora 4 av måla til Veitastrond, medan Åsmund Øgar avslutta ballet med eit herleg soloraid.
Les meir HER
Då er det klart for Veitastrond sin 10.generalprøve når me i morgon skal måla krefter mot divisjonskollega Kaupanger 2 ute på Skogen. Ja ikkje 10.generalprøve for året altså, for ein kan ikkje spela meir enn ein generalprøve føre ein seriestart. Hadde me spelt fleire generalprøvar i år så måtte det ha vore å rekna for generalprøven til generalprøven, og hadde me spelt fleire enn to generalprøvar så hadde den 3.siste kampen føre seriestart vorte generalprøven til generalprøven til generalprøven. Og hadde me spelt 4 så hadde remsa berre haldt fram, men sidan me ikkje har spelt meir enn 3 treningskampar så vert ikkje det aktuelt for oss denne gongen. Men altså, med 10.generalprøven så meinar me at dette er den 10.sesongen me stiller til start, og såleis vert dette den 10.generalprøven vår nokon gong. Ein jubileumsgeneralprøve med andre ord. Akkurat som at me neste helg spelar 10-årsjubileum fyrste seriekamp, og veka etter 10-årsjublileum andre seriekamp, og veka etterpå...ja du skjønar sikkert greia ;)
Les meir HER
For dei som ikkje har fått det med seg så er seriestarten neste søndag borte mot Årdal 2.
Det vil seia 28.april, med kampstart 17:00.
Kampen var opprinneleg satt opp tysdag 30.april, men er altså flytta.
Ikkje før var Eirik Flugheim kommen attende til moderlandet Norge etter 7 månadar i ISAF-styrken i Afghanistan, så bar ut i ein ny krig med ny uniform. Denne gongen er uniformen blå, og motstandarane er skifta ut frå Osama, Mohammed og Abdulla til Årdal 2, Dale 2/Hyllestad og Lærdal. Jodå, forsvarsspelar Eirik er den tredje spelaren ut i rekka av nye spelarar som me presenterar for dykk her på Veitastrond.com. Ein hardtarbeidane og kompromisslaus forsvarar, som jobbar på Bohus når han ikkje krigar i Afghanistan og hatar folk rundt seg. Ta godt i mot Eirik Flugheim.
Les meir HER
Me har òg oppdatert treningsstatistikken. Du kan sjå den HER
Dagens treningskamp mellom Bjørn og Veitastrond i Gaupne er avlyst.
Årsaken til dette er i hovudsak at vegen mellom Veitastrond og Hafslo er stengt, og ein del spelarar kjem seg då hverken til eller frå kamp. Me har difor valgt å avlysa kampen. Synd for oss, og sjølvsagt beklageleg ovanfor Bjørn.
Neste treningskamp for Veitastrond er oppsett 22.april mot Kaupanger 2. Dette blir generalprøven før serien startar 30.april mot Årdal 2.
Det nærmar seg med andre ord for alvor alvor ;)
Me har då omsider laga til historikkbiten for 2012.
Du kan lesa om denne sesongen HER
Kan ellers opplysa om at treningskampen mot Bjørn er utsatt frå måndag til torsdag i den kommande veka.
Det vart ein ny treningskamp der Veitastrond var klart betre enn sin motstandar då Hafslo vart nedsabla med heile 9-4. VIL var det førande laget og i tillegg til 9 mål så hadde laget truleg opp i mot 10 100% sjansar som vart brende. Til tross for feiande flott offansivt spel så var det litt å setta fingern på det defansive i dag og 4 baklengs var litt i meste laget av det me hadde hatt bruk for å sleppa inn.
Les meir HER
Nøyaktig 1 veke etter at Sogndal 3 vart slått med komfortable 0-7 så spelar i morgon Veitastrond årets andre treningskamp. Denne gonger er det Hafslo som ventar i Sognahallen, og dermed er det duka for årets fyrste verkelege lokalderby. Sjølv om dette berre er ein treningskamp så trur me at ingen av desse laga ynskjer å tapa denne kampen.
Les meir HER
I presentasjon av nye spelarar så byrja me med Geir Aardal, som er ein velkjent comebackkid. Når me i dag held fram så går me over til det som for Veitastrond er eit heilt nytt fjes, men me er ganske sikre på at dette fjeset òg vil bli velkjent om ikkje lenge. Denne gongen presenterar me nemleg Cato Aalen, og sjølv om han til fotballspelar å vera er byrja å trekka på åra, så tillet me oss å kalla han årets "big-star" signering til Leikvoll Stadion. I fotballfylket Sogn og Fjordane så er dette av typen gamal ringrev, og det at han i sin tid byrja som ungt talent for Sogndal seier vel sitt. På Veitastrond kjenner me han nok best som frykta motstandar på Syril, og me er no glade for å ha han på same lag som oss sjølve.
Les meir HER
Veitastrond fekk ei flott opning på årets sesong då laget i dag valsa over eit purungt Sogndal 3 lag. Etter ein forsiktig start der VIL leia med eit mål til pause så losna det for alvor etter kvilen, og det ga seg ikkje før det sto heile 0-7 i mål protokollen. Ei flott oppleving for Veitastrond å vinna så komfortabelt mot eit lag på nivået over, og det på sjølvaste Fosshaugane Campus. Dersom dette var malen for den kommande sesongen så har me mykje gøy i vente.
Les meir HER
Kan ellers melda om at me idag fekk på plass kamp mot Hafslo neste onsdag (10.april)
Den blir spelt i Sognahallen med kampstart kl 20:00.
Berre å gjera å seg klar til eit vaskeekte lokaloppgjer...
Det er på tide å rista av seg det vetle ein fekk av brunfarge i påsken, og dra på seg den blå drakta og gjera seg klar til kamp. I morgon spelar nemleg Veitastrond Fotball sin fyrste kamp i 2013, og det på sjølvaste Fosshaugane Campus. Fylket sin desidert flottaste stadion skal igjen få æra av å ta i mot VIL sine beste menn, og denne gongen er det Sogndal 3 som er motstandar.
Les meir HER
Veitastrond har fått på plass følgande treningskampar så langt;
03.04.2013; Sogndal 3 - Veitastrond (Fosshaugane Campus)
15.04.2013; Bjørn - Veitastrond (Luster sentral idrettsanlegg avd kunstgrasbane)
22.04.2013; Kauoanger 2 - Veitastrond (Kaupanger stadion)
I tillegg har me håp om å få på plass ein kamp mot Hafslo før seriestart 30.april, men her er det ikkje spikra noko dato og tidspunkt.
Dette vil altså seia at Veitastrond byrjar årets sesong allereie på fyrstkommande onsdag mot Sogndal 3 på sjølvaste Fosshaugane Campus. Der som me frykta at eventyret slutta i fjor haust, så er det altså her at neste kapittel tek til.
Me har lagt desse kampane inn på oversikten under Årets sesong.
Me har òg oppdatert spelarstallen under Spelarane slik som det ser ut nett no. Denne er basert på dei som møter opp trening og/eller har signalisert at dei blir med i større eller mindre grad. Satsar på å oppdatera denne etterkvart som nye spelarar kjem til, eller andre fell ifrå.
Ein del nye spelarar her som me skal presentera for dykk ein gong i tida...
I jakta på nye spelarar er me i VIL-fotball veldig godt nøgd med at me har klart å overtala klubblegenda Geir Aardal om å gjera comeback for klubben. Det vil seia at me eigentleg ikkje har brukt så mykje tid på å masa på han då det som sant er at det var han som kom til oss å varsla om at han ville ta skoa nedatt frå hylla, eller utatt frå boden til ho Edith oppe på haugen for å vera heilt presis.
Dette er sjølvsagt ein fyrsteklasses signering som gler både klubbleiing, medspelarane og ikkje minst heimepublikumet på Leikvoll som no får ein av sine bortkomne søner attende.
Les meir HER
Etter ein vinterferie på over 5 månadar, som inkluderar ei sjølvransaking der me måtte ta stilling til om me skulle halda fram med VIL-fotball, så var det heiltente spelarar som møtte opp på treningsfeltet denne veka. Heile 19 spelarar var til stades på sesongens fyrste trening, og truleg var dette den beste økta me har hatt på kanskje 1-2 år. Det seier kanskje meir om nivået me hadde i fjor, men det seier òg at det er eit Veitastrond som går inn til årets sesong med ny giv og tru på at me kan finna fram att magien som ein ikkje finn andre stadar enn på Leikvoll Stadion.
Les meir HER
Me var litt usikre på om me skulle gidda å køyra i gang med ny treningsstatistikk i år igjen, men etter at Stig Anders Hauge uttryke på treninga at han gleda seg til å komma med på denne statistikken, så følte me at me ikkje hadde noko valg. Årets fyrste trening enda solidarisk nok med uavgjort, og du kan sjå fyrste utkast til treningsstatistikken 2013 HER
Årets terminliste er klar, og Veitastrond har mange spanande kampar framfor seg. Me tek eit blikk på årets kampar og nokre tankar om laga og sesongen me står ovanfor.
Les meir HER
Me har gjort klart Årets sesong, som du finn i menyen ovanfor slik at den er tilpassa nettopp årets sesong. I tillegg har me oppdatert spelarstallen med dei spelarane me håpar og reknar med at framleis er med oss. Me har òg nokre nye spelarar som truleg vil signera, men desse har me ikkje teke med i oversikten endå. Satsar på å presentera dei her på Veitastrond.com etterkvart...
På fredag hadde Veitastrond Fotball eit spelarmøte der tema var den kommande sesongen. Her vart det langt på veg teke avgjersla om at me no for alvor går imot ein ny sesong. Både spelarar og trenarar virkar klare til å gå på ein ny sesong, og med innstilling om at ting skal fungera betre enn i fjor.
Les meir HER
Etter at sesongen 2012 vart avslutta i oktober har det vore absolutt tysnad frå oss i Veitastrond Fotball. Som vanleg etter endt sesong så var me leia av det meste som heitte lokalfotball, og me la førre sesong bak oss med tanke om at me kanskje aldri kom til å komma attende. Avisoppslag i Sogn Avis ga publikum eit hint om at eventyret om VIL-fotball var over for godt, noko me ikkje kunna avkrefta sjølve heller.
No har me fått nokre månadar på oss til å summa oss, og tanken om å legga ned er ikkje like framtredande som den var i haust. Laget er ikkje avmeldt, og me er komne med på terminlista for 5.divisjon 2013. I dag hadde me eit styremøte i klubben der framtida var einaste tema. Me har eit godt håp om at me skal klara å stilla lag, men det er framleis fleire lause trådar me lyt finna ut av innan "alvoret" sparkast i gang i april.
Les meir HER
